Tarixiy voqelik! Yunon-rim kurashchilarimiz JChni umumjamoa hisobida ikkinchi o'rinda yakunlashdi

Nur-Sultan shahri mezbonlik qilayotgan sport kurashlari bo'yicha jahon chempionatida yunon-rim kurashi ustalarining chiqishi yakunlandi. E'tiborlisi, unda O'zbekiston terma jamoasi umumjamoa hisobida ikkinchi o'rinni egalladi. Ta'kidlash joiz, terma jamoamiz jahon chempionatlarida ilk bor kuchli uchlikdan joy olgani yanada ahamiyatli.

Bu borada rossiyalik kurashchilar etakchilik qilishdi. Shuningdek, gruzin polvonlari kuchli uchlikni yakunlab bergan. Bu natija terma jamoamiz uchun joriy yilning 30 noyabr – 1 dekabr kunlari Eron poytaxtida o'tadigan eng kuchli 8 terma jamoa ishtirokidagi jahon kubogida ishtirok etish huquqini beradi.

Eslatib o'tamiz, jahon chempionatida klassik kurashchilarimiz 1 ta kumush va 2 ta bronza medallarini qo'lga kiritishdi. Qolgan vakillarimiz esa umumjamoa hisobida ikkinchi o'rinni olishimiz uchun qimmatli ochkolar taqdim qildilar. Jahon chempionatida quyidagi vakillarimiz sovrindor bo'lishdi:

Kumush medal:
-72 kg: Aram Vardanyan

Bronza medal:
-77 kg: Jalgasbay Berdimuratov
-87 kg: Rustam Assakalov