Miraziz Mirzahalilov jahon chempionatining chorak finaliga yo'l oldi

Rossiyaning Ekaterinburg shahri mezbonlik qilayotgan boks bo'yicha jahon chempionatining to'qqizinchi kunida kechki dastur janglari boshlandi. Biroz avval hamyurtimiz Miraziz Mirzahalilov (-57 kg) 1/8 finalda marokashlik bokschiga qarshi bahs olib bordi.

Raqibiga qaraganda kuchli va aniq zarbalar yo'llay olgan Mirzahalilov ushbu bellashuvni o'z foydasiga hal qila oldi va chorak final yo'llanmasini qo'lga kiritdi. Hamyurtimiz keyingi bosqichda qozog'istonlik Kayrat Eraliev bilan to'qnash keladi.