Ekaterinburg-2019. Chorak finalga chiqqan dastlabki bokschimiz aniq bo'ldi
/ Kiritdi: BestMaster Ko'rilgan: 726
Rossiyaning Ekaterinburg shahrida davom etayotgan boks bo'yicha jahon chempionatida bugun nimchorak final bosqichi janglari boshlandi.
Dastlab eng engil vazn toifasidagi sportchimiz Shahobiddin Zoirov qirg'izistonlik Azat Usenalievga qarshi ringga ko'tarildi. Hamyurtimiz butun jang davomida ustunlikka ega bo'lib, yakunda g'alaba qozondi. Hakamlarning ovozlari bir xil bo'ldi — 5:0 (30:27, 30:27, 30:27, 30:27, 30:27).
Shahobiddin chorak finalda bolgariyalik Daniel Asanovga qarshi bahs olib boradi.
Bugun kun davomida yana 5 nafar bokschimiz nimchorak final bosqichi doirasida jang o'tkazishadi.
-91 kg: Sanjar Tursunov - Sanjit (Hindiston) (B ring, 17:40 dan so'ng)
-57 kg: Mirazizbek Mirzahalilov - Muhammad Hamut (Marokash) (B ring, 19:25 dan so'ng)
-69 kg: Bobousmon Baturov - Delante Jonson (AQSh) (B ring, 19:55 dan so'ng)
-81 kg: Dilshodbek Ro'zmetov - Andrei Aradoay (Ruminiya) (B ring, 21:20 dan so'ng)
+91 kg: Bahodir Jalolov - Tsonte Rogava (Ukraina) (B ring, 22:30 dan so'ng)
Bosh sahifaga
209