«Valensiya» o'yinchilari «Chelsi»ga qarshi o'yin oldidan boykot e'lon qilishdi

«Valensiya» o'yinchilari Marselino iste'foga chiqarilgani uchun o'z e'tirozlarini bildirishmoqda.

Evropa chempionlar ligasi guruh bosqichining 1-turi doirasida bo'ladigan «Chelsi»ga qarshi o'yin oldidan tashkil etilgan matbuot anjumanida "ko'rshapalaklar"ning birorta futbolchisi ishtirok etishni istamadi.

Futbolchilar «Barselona»ga qarshi o'yin (2:5)dan keyin matbuot bilan gaplashishdan bosh tortishgan edi. Ular avvaldan bu haqda klub rahbariyatini ogohlantirib qo'yishgan edi.

Avalroq «Valensiya» xo'jayini Piter Lim bosh murabbiy Marselino bilan kelisha olmayotgani uchun mutaxassisni iste'foga chiqargan edi.