Fanat Qahramonov chorak final bosqichi uchun jang olib bordi

Rossiyaning Ekaterinburg shahrida boks bo'yicha jahon chempionati qizg'in davom etmoqda. Biroz avval terma jamomiz vakili Fanat Qahramonov (-75 kg) chorak final yo'llanmasi uchun ringga chiqdi. Braziliyalik Ebert Konsesaoga qarshi kechgan murosasiz jangda vakilimiz 2:3 hisobida imkoniyatni boy berib qo'ydi.

Shuning bilan o'zbekistonlik bokschilarning bugungi kun dasturidan o'rin olgan janglari yakunlandi. Eslatib o'tamiz, kunduzgi dasturda Bobousmon Baturov (-69 kg) argentinalik raqibini mag'lub etishning uddasidan chiqqan edi.