Gvardiola: ««Liverpul»ga qarshi o'yinning ahamiyati 3 ochkodan ko'proq»

«Manchester Siti» bosh murabbiyi Pep Gvardiola Angliya chempionatining 20-turi doirasida bo'lib o'tgan «Sautgempton»ga qarshi o'yin (3:1) borasida o'z fikrlarini bildirib o'tdi.

«Ikkita mag'lubiyatdan keyin g'alaba qozonishimiz shart edi. Futbolchilar vazifani uddalashdi. Agar jamoa bir mavsumda 100 ochko jamg'arib, kelasi mavsumning birinchi davrasidan keyin 45 ochkoga ega bo'lgan ekanmiz, bu unchalik yomon emas. Biz yomon ketmayapmiz, ammo raqibimiz hozirda Evropaning eng yaxshi jamoalaridan biri.

Kevin de Bryuyne «Liverpul»ga qarshi o'yingacha tayyor bo'ladimi? Gyundogan tayyor bo'ladi, Kevinning holatini payshanba kuni bilib olamiz. Albatta, «Liverpul»ga qarshi o'yinning ahamiyati 3 ochkodan ko'proq. Boisi, raqibimiz APL etakchisi», – dedi Gvardiola.