Hikmat Ergashev: «Dinamo» 90 daqiqa tinmay yugura oladigan jamoa»

AGMK - "Dinamo" (3:1) uchrashuvidan keyin mezbonlar jamoasi yordamchi murabbiyi Hikmat Ergashev o'z fikrlarini bildirdi.

"Dinamo"ga qarshi 3 ochko uchun o'ynagandik, oldimizga qo'ygan maqsadga erishdik. Oxirigacha harakat qilgan futbolchilarga rahmat aytaman. Ikkita yaxshi jamoa ishtirokidagi chiroyli o'yin guvohiga aylandik.

Biz o'z maydonimizda qarshi hujum taktikasida o'ynamaymiz. Bugun tezkor gol urganimizdan keyin yigitlar biroz bo'shashishdi va bizning jamoa qarshi hujumda o'ynagandek tuyuldi. "Dinamo" haqida ham iliq fikrlar aytishim mumkin. Jamoa 90 daqiqa tinmay yugura oladi. Bugun tajriba evaziga g'alaba qozondik", - deydi Hikmat Ergashev.