Manba: Ektor Kuper terma jamoa murabbiyi sifatida faoliyatini davom ettirmoqda

Mamlakatimizdagi ba'zi internet saytlarida O'zbekiston milliy terma jamoasi bosh murabbiyi Ektor Kuper iste'foga chiqarilgani haqida ma'lumotlar paydo bo'ldi.

Uzreport.news O'FA Media va matbuot departamenti bilan bog'lanib, ushbu masalaga oydinlik kiritdi.

"Ektor Kuper iste'foga chiqarilgani yo'q. U Falastin va Iroqqa qarshi o'yinlardan keyin milliy terma jamoa bilan birgalikda Toshkentga qaytib kelgan. Avvalgidek milliy terma jamoa bosh murabbiyi sifatida faoliyat yuritmoqda. Internet saytlarida berilgan ma'lumotlar haqiqatga to'g'ri kelmaydi", — deya xabar berdi O'FA media va matbuot departamenti xodimi.

Eslatib o'tamiz, O'zbekiston milliy terma jamoasi JCh-2022 saralash bosqichidan o'rin olgan Falastinga qarshi uchrashuvda 0:2 hisobida mag'lubiyatga uchragandi. Iroq terma jamoasiga qarshi kechgan o'rtoqlik o'yinida esa 0:0 hisobi qayd etilgan.

Saralashning navbatdagi o'yinini milliy terma jamoamiz 10 oktyabr kuni Yamanga qarshi Toshkentda o'tkazadi.