Samuel Eto′O: «Mourino «Barselona»ni boshqarishini istardim»

«Barselona» klubi sobiq futbolchisi Samuel Eto′O «Real» klubi sobiq mruabbiyi Joze Mourino haqida o'z fikrlari bilan o'rtoqlashdi. Kamerunlik futbolchi «Chelsi» va «Inter» klublarida Mourino qo'lostida faoliyat yuritgan.

«Mourino jahon futbolida eng yaxshi murabbiylardan biri ekanini isbotlashdan charchadim. Faoliyatimni yakunlaganimdan keyin u menga birinchilardan bo'lib xabar yo'lladi.

Mourino hurmatga loyiq inson. Biz u uchun kurashgan edik. Biz u uchun o'lishga ham tayyor edik.

Mourino «Barselona»ni boshqarsa, a'lo ish bo'lardi. Men undan «Malorka»ni boshqarishini so'ragan bo'lardim. Bu Ispaniyadagi eng yaxshi shahar va shahar unga yoqqan bo'lardi. Ammo men ko'proq uni «Barsa»da ko'rishni istagan bo'lardim», – dedi Eto′O.