Messi: «Ronaldu bilan tushlik? Muammo yo'q»

"Barselona" sardori Lionel Messi "Yuventus" hujumchisi Krishtianu Ronaldu bilan birga tushlik qilishga tayyor ekanini bildirdi.

Eslatib o'tamiz, portugaliyalik futbolchi avvalroq Chempionlar ligasi guruh bosqichiga qur'a tashlash marosimida Leoni tushlikka taklif qilgan edi.

"Ronaldu bilan tushlik? Muammo yo'q. Albatta, men uning taklifini qabul qilgan bo'lardim. U bilan o'rtada tushunmovchilik yo'q. Biz do'st bo'lmasak-da, taqdirlash marosimida hamisha uchrashamiz. Darvoqe, Monakodagi so'nggi uchrashuvda biz ko'p gaplashdik", - dedi Messi Sport.es nashriga bergan intervyusida.

Ronaldu 9 yil davomida "Real" sharafini himoya qilib, o'tgan yilning yozida "Yuventus"ga o'tib ketdi.