Eronlik ayollarga terma jamoa o'yinini stadionda tomosha qilishga ruxsat berildi

O'zini yoqib yuborib, halok bo'lgan eronlik ayol bilan bog'liq voqeadan keyin ayollarning stadionga kirishiga ruxsat berildi. Eron hukumati vakili Ali Rabiy bu borada bayonot bilan chiqdi.

"Hukumat ayollarning stadionga kirishiga rozilik bildiradi. Hozircha ayollar Eron milliy terma jamoasining barcha o'yinlariga tashrif buyurishlari mumkin", – dedi Rabiy.

Eslatib o'tamiz, avvalroq 25 yoshli ayol "Istiqlol" klub o'yinini tomosha qilish uchun o'g'il bola kiyimini kiygan holda Tehrondagi stadionga kirgan. Huquqni himoya qilish organi vakillari uni sezib qolib, Saxar Xudoyoriyni qo'lga olishgan. Dushanba kuni uning sudi bo'lishi kerak edi. Ammo u qoldirildi. Ayol sud binosidan chiqishi bilan o'zini yoqib yuborgan. Tanasining 75 foizi kuyishi oqibatida u vafot etdi.