A seriya murabbiylari maoshi e'lon qilindi

"La Gazzetta dello Sport" nashri A seriya klublari murabbiylari maoshi reytingini e'lon qildi.

«Inter» bosh murabbiyi Antonio Kontening bir yillik maoshi 11 million evroga teng. Ikkinchi pog'onani Mauritsio Sarri («Yuventus») egalladi – 5,5 mln evro. «Napoli» bosh murabbiyi Karlo Anchelotti esa uchinchi o'rinda qayd etildi — 5 mln evro.

Shuningdek, kuchli beshlikka Sinisha Mixaylovich («Bolonya») va Paulu Fonseka («Roma») kiritildi. Ular yiliga 3 million evro maosh olishmoqda.

Ta'kidlash joizki, «Inter» Luchano Spallettiga 4,5 mln evro, «Yuventus» esa Massimiliano Allegriga 7,5 mln evro maosh to'lashda davom etmoqda.