«Barselona» ushbu mavsumda 1 mlrd evro daromad olmoqchi

"Barselona"ning 2019/20 yilgi mavsumdagi daromadi 1 mlrd evrodan oshishi mumkin. Bu haqda klub prezidenti Xosep-Mariya Bartomeu "Barca TV" kanaliga bergan intervyusida ma'lum qildi.

"Biz 2019/20 yilgi mavsumda taxminan 1,060 mlrd evro daromad olishni ko'zlayapmiz. Bizning iqtisodiy ko'rsatkichimiz ajoyib, biz kuchli klubmiz. Moliyaviy institutlar bizga murojaat qilib, o'z mablag'larini taklif qilayotgani shuni anglatadiki, biz iqtisodiy jihatdan baquvvat jamoamiz", – dedi Bartomeu.

Eslatib o'tamiz, "Barselona" bir necha yillardan beri o'zining yillik daromadini 1 mlrd evroga etkazish borasida ish olib bormoqda. Nihoyat, klub ushbu mavsumda mazkur marrani zabt etishi mumkin.