Ispaniyada kim ko'p maosh to'laydi: «Barselona» yoki «Real»?

Ispaniya chempionatida eng ko'p maosh to'laydigan jamoa — "Barselona". Bu haqda AS nashri xabar tarqatdi.

Manbaga ko'ra, kataloniyaliklar bir yilda o'z futbolchilariga umumiy miqdorda 671 million evro maosh to'laydi. "Real"ning bu boradagi ko'rsatkichi 30 million evroga kam — 641 million evro.

"Atletiko" to'laydigan maoshlar miqdori 348,5 million evroga teng. Keyingi pog'onalarni "Sevilya" (185) va "Valensiya" (171) klublari egallab turishibdi.

Bir yil avval mazkur ko'rsatkich bo'yicha "Barselona" va "Real" klublari o'rtasidagi farq 66,5 million evroni tashkil qilgan edi.