Arsen Venger Ronaldu va Messini taqqosladi

«Arsenal» klubi sobiq bosh murabbiyi Arsen Venger «Barselona» sardori Lionel Messi va «Yuventus» hujumchisi Krishtianu Ronalduni o'zaro taqqosladi.

«Ular shu darajada yaxshiki, ulardan birini tanlash qiyin. Ularning har birida 5tadan jahonning eng yaxshi futbolchisi sovrini mavjud. Bu esa ular haqiqatan ham bir xil darajada ekanini ko'rsatadi.

Messi – ijodkor yigit va u hal qiluvchi golni urishi mumkin. Nazarimda, Lionel Ronalduga nisbatan serqirra futbolchi.

Krishtianu esa ko'proq hujumni yakunlaydi, havoda kuchli. U atletik jihatdan kuchli bo'lsa, Messi ijodkor. Messi kabi futbolchi biroz ko'proq e'tiborni tortadi» – dedi Venger.