Eto’O futbolchilik faoliyatini yakunladi

Taniqli kamerunlik hujumchi Samuel Eto’O o'zining instagramdagi sahifasi orqali futbolchilik faoliyatini yakunlaganini e'lon qildi.

38 yoshli futbolchining so'nggi klubi «Qatar SK» bo'ldi.

Eto’O faoliyati davomida «Real», «Malorka», «Barselona», «Inter», «Anji», «Chelsi» kabi klublar safida o'ynagan. U 3 marta Evropa chempionlar ligasi, 3 marta Ispaniya chempionati va bir marta Italiya chempionatida g'olib chiqqan.

U 1996-2014 yillar oralig'ida Kamerun terma jamoasi  sharafini himoya qilib, 118ta o'yinda 56ta gol urdi. U terma jamoa tarixida eng yaxshi to'purar hisoblanadi. Eto’O milliy jamoa safida ikki marta Afrika millatlar kubogi, olimpiya terma jamoasi tarkibida Sidney-2000 g'olibiga aylangan. U 5 marta Afrikaning eng yaxshi futbolchisi deb tan olingan.

«Tugadi. Oldingi yangi sinovlar. Hammaga katta rahmat», – deya yozdi Eto’O Istagramdagi o'zining sahifada.