«Paxtakor» faxriylari «Qayrat»ning 65 yillik tadbirida ishtirok etishadi

"Qayrat" futbol klubining 65 yilligiga bag'ishlangan tadbirga "Paxtakor" jamoasi faxriylari taklif etildi.

"Qayrat" klubining 65 yilligiga bag'ishlangan uchrashuvda 7 sentyabr, shanba kuni Olma-Otadagi "Markaziy" stadionda "Qayrat" va "Paxtakor" jamoalari faxriylari maydonga tushadi. Bellashuv Toshkent vaqti bilan soat 18:00da boshlanadi. Har ikki jamoaning Sobiq Ittifoq chempionatlaridagi o'zaro to'qnashuvlari keskin kurashlar ostida kechgan. Klublar o'rtasidagi do'stona va iliq munosabat sababli "Qayrat" futbol klubi o'z tavallud kuniga "Paxtakor"ni taklif qildi.

"Paxtakor" jamoasi sharafini quyidagi faxriy futbolchilar himoya qilishadi:
No''mon Nurmatov, Farhod Magometov, Murod Aliev, Aleksey Roshin, Mahmud Sobirov, Andrey Miklyaev, Rustam Do'rmonov, Sergey Lebedev, Ilhom Sharipov, Sergey Kovshov, Shuhrat Rahmonqulov, Ravshan Rajabov, No''mon Hasanov, Furqat Esonboev, Gennadiy Denisov, Sanjar Maqsudov.