«Bunyodkor» ikkita o'rtoqlik uchrashuvi o'tkazadi

Superliganing 18-turidan o'rin olgan «Bunyodkor» - «Lokomotiv» uchrashuvidan keyin qisqa muddatli ta'tilga chiqqan «qaldirg'ochlar» kuzning ilk kunidan boshlab mashg'ulotlarni davom ettirmoqda.

Mashg'ulotlar «Bunyodkor» akademiyasi maydonlarida bo'lib o'tmoqda. Superligada yuzaga kelgan tanaffusdan unumli foydalanishga harakat qilayotgan «Bunyodkor» navbatdagi rasmiy o'yinga qadar ikkita nazorat bahsida maydonga tushadi.

Jamoa 6 sentyabr kuni «Andijon» bilan kuch sinashsa, oradan uch kun o'tib, «Metallurg»ga qarshi nazorat o'yini o'tkaziladi. Har ikkala bahs ham «Bunyodkor» akademiyasi maydonida bo'lib o'tadi.

Eslatib o'tamiz, «Bunyodkor» Superliganing 19-turini safarda «Qo'qon-1912»ga qarshi o'tkazadi.