«Real Madrid» sobiq futbolchisi jamoasi bilan shartnomasini bekor qildi

Madridning “Real” klubi sobiq yarim himoyachisi Alvaro Medran “Valensiya” bilan shartnomasini bekor qildi. Bu haqida klub matbuot xizmati xabar berdi.

25 yoshli Medran 2016 yil “Real”dan 1,5 million evroga “Valensiya” safiga kelib qo'shilgan. Shuningdek, futbolchi bu vaqt mobaynida ijara asosida “Alaves” va “Rayo Valekano” jamoalarida o'ynagan.

Eslatib o'tamiz, Medran Ispaniya chempionatida 77ta o'yinda maydonga tushib, 9ta gol urgan hamda 1ta golga assistentlik qilgan.