Eldor Shomurodov — RPLning avgust oyidagi eng yaxshi futbolchisi

«Rostov» hujumchisi Eldor Shomurodov Rossiya premer-ligasining avgust oyidagi eng yaxshi futbolchisi deya tan olindi.

RPL ekspertlari va Match Premer kanali mutaxassislari va muxlislar bir ovozdan Shomurodovni eng yaxshi deb topishdi. Hamyurtimiz so'rovnomada Aleksandr Sobolev ("Krilya Sovetov"), Gus Til ("Spartak"), Gjegoj Krixovyak ("Lokomotiv") va Mario Fernandes (TsSKA)ni ortda qoldirdi.

24 yoshli o'zbekistonlik futbolchi o'tgan oyda 5ta o'yinda maydonga tushib, 5ta gol urishga muvaffaq bo'ldi.

«Rostov» Rossiya chempionatining 8-turidan keyin 17 ochko bilan to'plar farqiga ko'ra «Krasnodar» va «Zenit»dan keyin 3-o'rinni egallab turibdi.