Ikardi: «PSJ» barcha musobaqalarda uzoqroqqa borishi uchun bor kuchimni beraman»

«PSJ» bilan shartnoma imzolagan Mauro Ikardi o'z taassurotlari bilan o'rtoqlashdi.

«Menga ishonch bildirgani uchun klubga minnatdorchilik bildiraman. Jamoa barcha musobaqalarda uzoqroqqa borishiga yordam berish uchun bor kuchimni beraman. «PSJ» xalqaro futbol kuchiga aylandi va so'nggi yillarda buyuk futbolchilarni klubga jalb qilmoqda.

Klub rivojlanishda davom etmoqda. Uning ambitsiyalari yuqori va ishonchim komil, ulkan natijalarni qo'lga kiritish uchun barcha imkoniyatlarga egamiz. «Park de Prens» o'ynash imkoniyatini intizorlik bilan kutaman. Bu stadon o'zining chiroyi bilan ajralib turadi», – dedi Ikardi.

Eslatib o'tamiz, «PSJ» argentinalik futbolchini bir yilga ijaraga oldi. Parijliklar kelasi mavsumda «Inter» futbolchisini 70 million evroga sotib olish huquqiga ega. Ikardi yangi jamoasi safida 18-raqamda o'ynaydi.