«Barselona» Rafinya bilan shartnomani uzaytirib, uni «Selta»ga ijaraga berdi

«Barselona» yarim himoyachisi Rafinya Alkantara faoliyatini «Selta»da davom ettiradi. 26 yoshli futbolchi bugun "ko'k-anorranglilar" bilan shartnomani 2021 yilgacha uzaytirib, ijara asosida vigoliklar safiga yo'l oldi.

«Selta» futbolchining maoshini to'laydi. Shuningdek, ijara shartnomasida 1,5 mln evrogacha bonus nazarda tutilgan. Avvalroq "Selta" keyinchalik Rafinyaning transfer huquqini 10 mln evroga sotib olishi mumkinligi haqida xabar tarqalgandi.

Rafinya 2013/14 yilgi mavsumda «Selta» sharafini himoya qilgan. O'tgan mavsumning ko'p qismida futbolchi jarohat tufayli maydonda chetda qolgan edi.