Velosport. Olga Zabelinskaya Germaniyadagi xalqaro musobaqada zafar quchdi

Tokio Olimpiadasiga veloshosse yo'nalishida yo'llanma qo'lga kiritgan hamyurtimiz Olga Zabelinskaya trek bo'yicha ham Olimpiada litsenziyasi uchun astoydil kurash olib bormoqda. Hamyurtimiz Germaniyada o'tkazilgan velotrek bo'yicha “Europakriterium der Bahnfahrer” turnirining omnium yo'nalishida zafar quchdi. Ta'kidlash joiz, bu turnir Tokio Olimpiadasiga reyting ochkolarini taqdim etuvchi musobaqalar sirasiga kiradi. Hamyurtimiz mazkur g'alabasi bilan hisobidagi reyting ochkolarini yana 100 ballga boyitib oldi va Mustaqilligimizning 28 yillik bayramiga munosib xissasini qo'shdi.

Velotrek. “Europakriterium der Bahnfahrer”, Germaniya
Omnium, ayollar.

1. Olga Zabelinskaya (O'zbekiston)
2. Gudrun Stok (Germaniya)
3. Tamara Dronova (Rossiya)