Klopp «Byornli»ga qarshi o'yindagi Manening xulqiga izoh berdi

"Liverpul" bosh murabbiyi Yurgen Klopp APLning 4-turi doirasida bo'lib o'tgan "Byornli"ga qarshi o'yinda jamoa hujumchisi Sadio Manening o'zini tutishiga izoh berdi. Eslatib o'tamiz, hisob 3:0 bo'lib turgan paytda Muhammad Saloh qulay vaziyatda turgan jamoadoshiga uzatma bermagani uchun Manening jahli chiqib ketdi.

"Mane — hissiyotli yigit. O'zi rejalashtirgan nimadir amalga oshmadi. Shuning uchun uning xafsali pir bo'ldi. Men hissiyotlarni jilovlash tarafdori emasman. Futbolda bunaqasi bo'lib turadi. Bundan tashqari, u ortiqcha gap gapirmadi. Biz do'st bo'lib qolamiz. Kiyinish xonasida esa vaziyatni muhokama qilib oldik", — dedi Klopp.

Eslatib o'tamiz, Mane mersisaydliklarning ikkinchi goliga mualliflik qildi.