RPL. Shomurodov — «Lokomotiv» - «Rostov» bahsining eng yaxshi o'yinchisi

Rossiya premer-ligasining 8-turi doirasida bo'lib o'tgan «Lokomotiv» va «Rostov» jamoalari o'rtasidagi o'yinning (1:2) eng yaxshi futbolchisi aniqlandi.

Mazkur sovringa rostovliklar hujumchisi Eldor Shomurodov munosib topildi. O'zbekistonlik futbolchi bugungi o'yinda 2ta gol urishga muvaffaq bo'ldi. Uchrashuvning 41-daqiqasida burchakdan etkazilgan uzatmani hamyurtimiz bosh bilan raqib darvozasiga joylab qo'ydi. Ikkinchi bo'limda esa Shomurodov ikki himoyachidan chaqqonroq harakat qilib, to'pni darvozani burib yubordi.

Shomurodov Rossiya chempionati doirasida 8ta o'yinda maydonga tushib, 7ta gol bilan to'purarlar ro'yxatida peshqadamlik qilmoqda.

«Uchrashuvning eng yaxshi o'yinchisi» sovrini har bir o'yindan keyin Premer-liga va MATCh PREM'ER telekanali hamkorligida aniqlanadi.