La liga: «Osasuna» - «Barselona». Messi qaydnomaga kiritilmadi, Fati ro'yxatda

"Barselona" bosh murabbiyi Ernesto Valverde Ispaniya La ligasining 3-turi doirasida bo'ladigan "Osasuna"ga qarshi o'yin uchun kengaytirilgan tarkibni e'lon qildi.

Jamoa sardori Lionel Messi bu safar ham qaydnomaga kiritilmadi. Shuningdek, jarohatni davolashda davom etayotgan Luis Suares va Usmon Dembele ham navbatdagi o'yinda ishtirok etishmaydi.

Avvalgi turda debyut qilgan Ansuman Fati bir hafta davomida asosiy tarkib bilan mashg'ulotlarda ishtirok etdi va yana kengaytirilgan ro'yxatdan o'rin oldi.

"Barselona"ning "Osasuna"ga qarshi kengaytirilgan tarkibi:

Darvozabonlar: Mark-Andre ter Shtegen, Inyaki Penya;

Himoyachilar: Nelson Semedu, Jerar Pike, Kleman Langle, Mussa Vage, Xordi Alba, Serji Roberto, Samuel Umtiti;

Yarim himoyachilar: Ivan Rakitich, Serxio Buskets, Artur, Rafinya, Frenki de Yong, Arturo Vidal;

Hujumchilar: Antuan Grizmann, Karles Peres, Ansuman Fati.

Eslatib o'tamiz, "Osasuna" - "Barselona" o'yini ertaga — 31 avgust kuni Toshkent vaqti bilan 20:00da boshlanadi.