Vladimir Andreev: «G'alaba» biz uchun muhim edi»

«Surxon» - «Qizilqum» uchrashuvidan keyingi matbuot anjumanining ikkinchi qismida «Surxon» jamoasi ustozi Vladimir Andreev o'z fikrlarini bildirib o'tdi.

— O'yin haqida gapiradigan bo'lsam, birinchi bo'lim teng kurashlar ostida o'tdi. Ikkinchi bo'limda yigitlarimiz faolroq xarakat qildilar va yaratilgan ikki imkoniyatdan unumli foydalandilar. Bugun «Qizilqum» jamoasi biz o'rganib chiqqan ohirgi ikki o'yinga qaraganda sustroq xarakat qildilar.

«G'alaba» bugun biz uchun muhim edi. Sababi, Superligada ohirgi marta «Bunyodkor»ni mag'lub etgandik. Shundan keyingi to'rt uchrashuvda g'alabaga erisha olmagan edik. Yigitlarimizga bugungi o'yin uchun rahmat aytaman.

Shu o'rinda, butun Surxondaryo xalqini O'zbekiston Respublikasi Mustaqilligining 28 yillik bayrami bilan tabriklayman. Bugungi g'alabani muhlislarimizga bag'ishlaymiz.

«Surxon» PFK matbuot xizmati