Futzal. «Chkalov kubogi». O'zbekiston milliy terma jamoasi mag'lubiyat bilan boshladi (video)

Oktyabrda bo'lib o'tadigan futzal bo'yicha Osiyo chempionati-2020 saralash bahslariga hozirlik olib borayotgan O'zbekiston milliy terma jamoasi Rossiyaning Nijniy Novgorod shahrida o'tkaziluvchi xalqaro musobaqada ishtirok etishi haqida xabar bergan edik.  

Bugundan Nijniy Novgorodda 3-marta tashkil etilayotgan “Chkalov kubogi” musobaqasi start oldi. Unda Bahodir Ahmedov boshchiligidagi futzal bo'yicha O'zbekiston milliy terma jamoasi ham ishtirok etmoqda.

Musobaqada bosh sovrin uchun shuningdek,  Rossiya U-19 terma jamoasi,  “Spartak” (Moskva) hamda “Orgxim” (Nijniy Novgorod) futzal klublari bahs olib borishadi. Har bir jamoa musobaqa davomida 3 tadan o'yin o'tkazadi.   


 Terma jamoamiz ilk o'yinni "Orgxim" klubiga qarshi o'tkazdi va 1:3 hisobida imkoniyatni boy berdi. Rossiya U19 va "Spartak" jamoalari o'rtasidagi o'yinda yoshlar 5:4 hisobida g'alaba qozonishdi.

“Chkalov Kubogi” musobaqasi
29 avgust – payshanba

"Orgxim" – O'zbekiston 3:1
Gollar: Sergey Denisov,  Aleksandr Surik - Rustam Umarov (avtogol), Husniddin Nishonov.
O'zbekiston: Rustam Umarov, Ravshan Eliboev, Ixtiyor Ropiev, Dilmurod Shavkatov,  Ilhom Hamroev.
Zaxiradan tushganlar: Mashrab Adilov, Davron Choriev, Husniddin Nishonov, Dilshod Rahmatov, Akbar Usmonov, Abdulla Solixov.  
Ogohlantirish: Ravshan Eliboev (34).