Manba: Neymarning «Barselona»ga o'tishi hal bo'ldi

«PSJ» hujumchisi Neymar yaqin orada «Barselona»ga o'tadi. Bu haqda "Sky Sport Italia" jurnalisti Janluka Di Martsio xabar tarqatdi.

Manbaga ko'ra, muzokaralar jarayoni uzoq cho'zilgani va og'ir kechganiga qaramay, tomonlar ushbu transfer borasida kelishuvga erishishdi. Shuningdek, Neymar «Barselona» bilan shaxsiy shartnoma borasida kelishib oldi. Kelishuv shartlari borasida esa ma'lumot tarqatilmadi.

27 yoshli futbolchi yaqin orada Barselonaga tashrif buyurib, tibbiy ko'rikdan o'tadi.