Saka "Arsenal" safida 200 ta o'yin o'tkazgan to'rtinchi eng yosh futbolchiga aylandi

"Arsenal" vingeri Bukayo Saka jamoa safidagi 200 o'yinlik marraga etdi.

Bugungi APL doirasidagi "Luton Taun"ga qarshi o'yin angliyalik uchun 200-o'yin bo'ldi. 22 yoshli futbolchi asosiy tarkibda maydonga tushdi va 20-daqiqadayoq u Gabriel Martinelliga golli uzatmani amalga oshirdi.

"Opta" xabariga ko'ra, Saka jamoa safida 200 ta o'yin o'tkazgan "Arsenal"ning to'rtinchi eng yosh futbolchisidir. "Kanonirlar"ning hozirgi yulduzidan yuqoriroqda Sesk Fabregas (21 yoshu 118 kun), Devid O'Liri (21 yoshu 195 kun) va Kliff Bastin (22 yoshu 16 kun) bor.