Neymar faqat «Barsa»ga o'tmoqchi ekanini ma'lum qildi

«PSJ» hujumchisi Neymar jamoa sport direktori Leonardo bilan suhbatda faqatgina «Barselona»da o'ynamoqchi ekanini ma'lum qildi.

Neymar va Leonardo o'rtasidagi suhbat dushanba kuni bo'lib o'tdi. Futbolchi «Real» va «Yuventus»dan tushgan takliflarni ko'rib chiqmasligini aytdi. Kataloniyaliklar transfer borasida so'nggi taklifni tayyorlashayotganidan braziliyalik futbolchining xabari bor edi. Shu bois, «PSJ» rahbariyatiga bosim o'tkazish uchun qulay palla kelganini his qildi.

Neymarning mazkur istagidan keyin «Barselona» delegatsiyasi Parijga yo'l olib, «PSJ» prezidenti Nosir al-Xelayfiy va Leonardo bilan uchrashdi. Hozircha mazkur muzokara qanday yakunlangani haqida ma'lumotlar tarqatilmadi.

«Barselona» Neymar uchun jami 170 mln evro to'lamoqchi. Kataloniyaliklar ushbu transferga Usmon Dembeleni kiritishlari mumkin. Shunda "ko'k-anorranglilar" Dembeledan tashqari parijliklarga 40 million evro to'lab beradi. Himoyachi Nelson Semedu esa "Pari Sen-Jermen"ga o'tishdan bosh tortdi.

Yozgi transfer muddati yakunlanishiga 6 kun qolganida «Barselona» Neymar uchun kurashda etakchilik qilmoqda. Ammo «Real» va «Yuventus» klublari vaziyatni kuzatib borishmoqda. Neymarning istagi tufayli bu jamoalarning imkoniyatlari pasaydi, ammo hali hech narsa hal bo'lgani yo'q.