Deyan Jurjevich: “Alamli tarzda mag'lubiyatga uchradik”
/ Kiritdi: BestMaster Ko'rilgan: 477
Coca Cola Superliga 18-turidan o'rin olgan “Metallurg” – “Navbahor” uchrashuvidan so'ng, dastlab “Navbahor” bosh murabbiyi Deyan Jurjevich OAV xodimlarining savollariga javob berdi. Quyida uning fikrlarini e'tiboringizga havola etamiz.
Juda alamli tarzda mag'lubiyatga uchradik. Uchrashuvning birinchi bo'limi deyarli teng kurashlar ostida kechgan bo'lsa, ikkinchi bo'limda ustunlik jamoamiz tarafida bo'ldi va yigitlarda 4ta ajoyib golli vaziyat yuzaga keldi. Ammo shogirdlarim ulardan foydalana olishmadi. Mezbonlar esa so'nggi daqiqadagi jarima zarbasidan gol urib, g'alaba qozonishdi. Shunday ekan, ushbu mag'lubiyatni alamli deyishdan boshqa ilojim yo'q.AGMKga qarshi kechgan bahsda ham jarima zarbasidan so'ng, to'p o'tkazib yuborgandik. Bugungi o'yinda ham ushbu holat takrorlandi.
Yigitlar ko'plab xavfli vaziyatlarni yuzaga keltirishmoqda. Ammo ulardan samarali tarzda foydalana olishmayapti.
Mazkur uchrashuvda ham shu narsa jamoamizga pand berdi.
“Navbahor” PFK matbuot xizmati.
Fikr bildirish
Hali hech kim izoh qoldirmagan. Birinchi bo`lib izoh qoldiring :)!!
Fikr qoldirish uchun Ro`yxatdan o`tish lozim!!!