«Barsa» Fatining ota-onasidan ruxsat olishiga to'g'ri keldi

«Betis»ga qarshi o'yinda Ansuman Fati «Barselona» tarixiga kirdi. U klub tarixida La liga doirasida maydonga tushgan eng yosh futbolchiga aylandi. Yakshanba kuni u 16 yoshu 298 kunlik edi.

Qiziq tomoni, Fati mazkur o'yinda maydonga tushishi uchun «Barselona» rahbariyati uning ota-onasidan ruxsat olishiga to'g'ri keldi. La liga qoidalariga ko'ra, voyaga etmagan futbolchilar kechki vaqt faqat ota-onasining ruxsati bilan o'yinda ishtirok etishishi mumkin. Ansumanning ota-onasi bunga ijozat berishdi.

Fati 2013 yilda Gvineya-Bisaudan Ispaniyaga ko'chib kelganidan keyin «La Masiya»ga qabul qilingan. O'shanda u 10 yoshda edi. Uzoq vaqt davomida jarohat bilan yurganiga qaramay, Fati sog'ayishga va "Barsa" murabbiylar shtabida yaxshi taassurot qoldirdi.