«Chelsi» Abraxamning maoshini oshiradi

«Chelsi» klubi rahbariyati hujumchi Temmi Abraxamga yangi shartnoma taklif qilmoqchi. Bu haqda The Telegraph xabar tarqatdi.

Manbaga ko'ra, londonliklar 21 yoshli futbolchining maoshini ikki baravar oshirmoqchi. Hozirda angliyalik futbolchi haftasiga 50 ming funt sterling olmoqda. Yangi shartnoma imzolanganidan keyin uning haftalik maoshi 100 ming funtga etadi va yana qo'shimcha bonuslar ko'zda tutiladi.

Abraxam «Chelsi» tarbiyalanuvchisi hisoblanadi. Futbolchi 2016 yilning may oyida londonliklar safida debyut qilgan. Keyingi mavsumlarni u «Bristol Siti», «Suonsi» va «Aston Villa» safida ijarada o'tkazgan. Mazkur yozda Abraxam «Chelsi» safiga qaytib, dastlabki uchta o'yinda ikkita gol urdi.