Mourino «Real» bosh murabbiyi lavozimi bo'shashini kutmoqda

Joze Mourino Madridning «Real» klubini boshqarishi mumkin.

«Qaymoqranglilar»ning hozirgi bosh murabbiyi Zayniddin Zidanning o'rni mustahkam emas. Frantsiyalik mutaxassis Madridga qaytganidan beri qayd etayotgan natijalaridan jamoa rahbariyati qoniqish hosil qilmayapti. Shu bois, "Qirollik klubi" yarim mavsumga bormasdan Zidan bilan xayrlashishi mumkin.

AS nashri tarqatgan xabarga ko'ra, Mourino «Real»dan taklif kutayotgani bois yozda bir nechta klublar va terma jamoalardan tushgan taklifga rad javobini berdi.

56 yoshli mutaxassis 2010-2013 yillarda «Real»ni boshqargan. Uning so'nggi ish joyi «Manchester Yunayted» bo'lgan edi. Portugaliyalik mutaxassis 2018 yil so'ngida "MYu"ni tark etganidan beri ishsiz yuribdi.