Samarqand ko'chalari velosport ishqibozlari bilan jam bo'ldi

Samarqand shahrida velosport bo'yicha ommaviy sport tadbiri o'tkazildi. Shaharning markaziy ko'chalari bo'ylab tashkil qilingan velomarafonda viloyatning turli chekkalaridan tashrif buyurgan 200 ga yaqin ishtirokchi o'z omadini sinab ko'rdi.

Bunday tadbirlar boshqa viloyatlarda ham velosportni, qolaversa, sog'lom turmush tarzini targ'ib qilish maqsadida tashkil qilingan. O'zbekiston velosport federatsiyasi, viloyat jismoniy tarbiya va sport boshqarmasi bilan o'tkazilgan musobaqa yakuni bo'yicha g'olib va sovrindorlar esdalik sovg'alari bilan taqdirlanishdi.