Ibrahimovich ketma-ket uchinchi o'yinda dublni rasmiylashtirdi (video)

Shvetsiyalik hujumchi Zlatan Ibrahimovich MLSni zabt etishda davom etmoqda.

"Los-Anjeles" va "Los-Anjeles Gelaksi" jamoalari o'rtasidagi derbida (3:3) Ibrahimovich ikkita gol urishga muvaffaq bo'ldi. Ammo uning jamoasi o'yin davomida 3:1 hisobida oldinda borib, yakunda g'alabani qo'ldan chiqardi.

37 yoshli futbolchi ketma-ket uchinchi o'yinda "dubl"ni rasmiylashtirdi. Avvalgi turlarda u "Dallas" va "Sietl" darvozalariga 2tadan gol urgandi.

Ibrahimovich MLSning ushbu mavsumida 22ta o'yinda maydonga tushib, 22ta gol urdi va 3ta golga uzatma berdi. To'purarlar poygasida shvetsiyalik futbolchi "Los-Anjeles" forvardi Karlos Vela (27ta gol)dan keyin 2-o'rinda bormoqda.