«Bunyodkor» - «Lokomotiv» uchrashuviga tashrif buyuradigan muxlislarni kutilmagan sovg'alar kutmoqda

Ertaga «Bunyodkor» stadionida katta futbol bayrami!

Xabaringiz bor, uzoq tanaffusdan so'ng «Bunyodkor» o'z uyida maydonga tushadi. Coca Cola Superliganing 18-turidan o'rin olgan markaziy bahs «Bunyodkor» - «Lokomotiv» uchrashuvi «Bunyodkor» stadionida bo'lib o'tadi.

O'yinning ahamiyati, unda qayd etiladigan natijaning bahosi yuqori. Shu bois ertangi bahs muxlislar-u, mutaxassislarda katta qiziqish uyg'otmoqda. Aytish kerak, «Bunyodkor» futbol klubi ham uchrashuvga jiddiy tayyorgarlik ko'rmoqda. Nafaqat o'yin, balki tashkiliy ishlar bo'yicha ham tayyorgarlik kuchaytirilgan. Xususan, ertaga bellashuvni tomosha qilish uchun stadionimizga tashrif buyurgan muxlislarni homiylar tomonidan ajratilgan sovg'alar kutyapti. Jumladan, uchrashuvning birinchi bo'limi yakunlanganidan so'ng tomoshabinlarning chiptalarini ID raqami asosida homiylar «Panini», «Frango» va «Street77» cavdo belgilari tomonidan ajratilgan sovg'alar o'ynaladi. Keling, turning markaziy o'yinini tomosha qiling, o'z uyingizga sovg'a bilan qayting!

Eslatib o'tamiz, «Bunyodkor» - «Lokomotiv» uchrashuvini bevosita stadionda tomosha qilishni xohlagan muxlislar chiptalarni quyidagi narxlarda sotib olishlari mumkin: 1-toifadagi chiptalar narxi 10.000, CIP cektorlar uchun 15.000 so'm.