«Bunyodkor» muxlislarni «Bunyodkor»ga taklif etadi

Coca Cola Superliganing 18-turi doirasida 26 avgust (dushanba) kuni bo'lib o'tadigan poytaxt derbisi – «Bunyodkor» va «Lokomotiv» jamoalari o'rtasidagi bellashuvni «Bunyodkor» stadioni qabul qiladi. Uchrashuv soat 19:15da boshlanadi.

Shu tariqa, «qaldirg'ochlar», nihoyat, o'z uy stadionlariga qaytishmoqda. «Bunyodkor» o'z stadionida so'ngi marta 2018 yilning 24 noyabr kuni maydonga chiqqandi. O'sha kuni toshkentliklar Bekobodning «Metallurg» klubini 1:0 hisobida mag'lub etgandilar.

«Bunyodkor» futbol klubi barcha futbol ixlosmandlarini 26 avgust kuni chimi yangilangan «Bunyodkor» stadionida o'tadigan qizg'in poytaxt derbisiga chorlab qoladi!

«Bunyodkor» MUXLISLAR UChUN o'ynaydi!