Tokiodagi hamyurtlarimiz dzyudochilarimizni qo'llab-quvvatlashmoqda

Tokio shahrida start olgan dzyudo bo'yicha jahon chempionatining ilk kunidanoq dzyudochilarimiz hamyurtlarimizning qo'llab-quvvatlishini his qilishmoqda. Yaponiyadagi O'zbekiston yoshlari Assotsiatsiyasi vakillari va ushbu shaharda istiqomat qilayotgan hamyurtlarimiz bugun musobaqa davomida terma jamoamiz vakillariga dalda berib turish uchun bor quchini sarflashmoqda.

Biroz avval yurtdoshlarimiz terma jamoamiz vakillari bilan uchrashib, ularni o'z uyida kurashayotgandek his qilishlari uchun bor imkoniyatlarini ishga solishini aytib o'tishdi. O'z navbatida MOQ vitse-prezidenti, O'zbekiston dzyudo federatsiyasi rahbari Azizjon Kamilov chorak final bahsini muvaffaqiyatli o'tkazgan Sharofiddin Lutfillaev bilan uchrashdi. Suhbat davomida Azizjon Kamilov sportchimizning yaponiyalik asosiy raqibini mag'lub etgani bilan tabriklab, oldinda turgan bahslarda ham omad tilab o'tdi.

Ma'lumki, birozdan so'ng Sharofiddin Lutfullaev -60 kilogramm vazn toifasining yarim finalida qozog'istonlik Gusman Kirgizbaevga qarshi tatamiga chiqadi. Shubhasiz, 100 ga yaqin hamyurtlarimizning bunday qo'llab turishi sportchilarimizning yuqori natijalar qayd etishida as qotadi.