Sharofiddin Lutfillaev jahon chempionatining yarim finaliga yo'l oldi

Tokioda start olgan jahon chempionatining birinchi kuni terma jamoamiz uchun muvaffaqiyatli o'tmoqda. Biroz avval musobaqaning kechki dasturida medallar uchun kurashuvchi sportchilar nomi ma'lum bo'ldi.

E'tiborlisi, -60 kilogramm vazn toifasida yurtimiz sharafini himoya qilayotgan Sharofiddin Lutfillaev jahon chempionatining yarim finaliga yo'l oldi. Vakilimiz uchinchi bosqichda avstraliyalik Joshua Katsni, chorak finalda esa 3 karra va amaldagi jahon chempioni yaponiyalik Naoxisa Takatoni mag'lub etishning uddasidan chiqdi. Hamyurtimiz finalga chiqish uchun qozog'istonlik Gusman Kirgizbaevga qarshi tatamiga chiqadi.

Yana bir jihati Lutfillaev faoliyatida ilk bor yaponiyalik raqiblaridan ustun kelmoqda va ilk bor JChning yarim finaliga yo'l oldi. Afsuski, Diyorbek O'rozboev to'rtinchi davrada Xitoy Taipeyi vakiliga imkoniyatni boy berib, medallar uchun kurashni erta tark etdi. Chempionlik yo'lida Sharofiddin Lutfillaevga omad tilab qolamiz.