Boks. Shahram G'iyosov Tayson uslubida g'alaba qozondi (videosharh)

O'zbekistonlik bokschi Shahram G'iyosov professional ringda bugun o'zining navbatdagi jangini o'tkazdi. Meksikada tashkil etilgan jangda hamyurtimiz kolumbiyalik Darleys Peresga qarshi o'zining "WBA International Super Lightweight Title" chempionlik kamarini himoya qildi.

Shahram jang taqdirini 30 soniya ichida va birgina zarba bilan hal qildi. Vatandoshimiz tomonidan chap qo'lda berilgan "jeb" zarbasi oqibatida raqib ringga quladi. Referi 10gacha sanaganda ham Peres o'rnidan tura olmadi. Shu tariqa, G'iyosov chempionlik kamarini o'zida saqlab qoldi.

Eslatib o'tamiz, G'iyosov shu kungacha professional boksda 9 ta jang o'tkazgan va ularning barchasida g'alaba qozongandi (7 ta nokaut). Sobiq jahon chempioni Peres hisobida esa 41ta mavjud. Kolumbiyalik bokschi ularning 34 tasida g'alaba qozongan (22 ta nokaut). Bugun beshinchi mag'lubiyatini qabul qilib oldi (4 ta nokaut).