Tomas Tuxel: «Neymar klub bilan vaziyatni hal qilmaguncha, u maydonga tushmaydi»

«PSJ» bosh murabbiyi Tomas Tuxel «Tuluza»ga qarshi bo'ladigan Frantsiya chempionatining 3-tur bahsida hujumchi Neymarning maydonga tushish ehtimoli haqida gapirdi.

«Neymar yaxshi tiklanib bormoqda. Hozir u yaxshi formaga kirib qoldi. Ushbu haftada u jamoa bilan yaxshi ishladi.

Klub va futbolchi o'rtasidagi vaziyat avvalgidek qolmoqda. Klubning rejasi aniq — u vaziyatni bir yoqlik qilmaguncha, "PSJ" safida maydonga tushmaydi. Agar ertaga vaziyat hal bo'lsa, u maydonga tushadi», – dedi Tuxel.

Yozgi transfer mobaynida matbuot Neymarning «PSJ» tark etishi haqida gapirib keldi. Ammo bugun paydo bo'lgan yangi ma'lumotga ko'ra, klub va o'yinchi o'zaro yarashish tomon qadam tashlagan.