Toshkentdagi “Ommaviy yurish kuni” va “Salomatlik startlari” tadbirida o'n ming aholi ishtirok etdi
/ Kiritdi: BestMaster Ko'rilgan: 1061
O'zbekiston Respublikasi Prezidentining jismoniy tarbiya va sportni keng targ'ib etish, aholini sog'lom turmush tarziga yanada jalb qilish borasidagi tashabbusi, qolaversa, yuqumli bo'lmagan kasalliklarning prafilaktikasini ta'minlash borasida poytaxtimizda yana bir sport tadbiri tashkil etildi. “Ommaviy yurish kuni” va “Salomatlik startlari” nomi ostida tashkil etilgan mazkur tadbirda shahrimizning 10 mingga yaqin aholisi faol ishtirok etdi.
Toshkent shahar hokimligi, Sog'liqni saqlash bosh boshqarmasi hamda shahar Jismoniy tarbiya va sport boshqarmasi tashkillashtirgan ommaviy yurish “Xalqlar do'stligi” maydonidan “Paxtakor-79” ko'chasigacha tashkil etildi. Unda sport bilan professional va havaskor tarzda shug'ullanuvchi hamyurtlarimiz qatori minglab aholi ishtirok etdi.