Boks. Grozniydagi xalqaro musobaqada 2ta oltin va 6ta bronza medali qo'lga kiritildi

Rossiya Federatsiyasining Grozniy shahrida boks bo'yicha Ahmat-Hoji Qodirov xotirasiga bag'ishlangan xalqaro turnir o'z yakuniga etdi. Kelasi oy bo'lib o'tadigan jahon chempionatidan avval o'ziga xos tayyorgarlik vazifasini bajarib bergan musobaqa terma jamoamiz uchun 2 ta oltin va 6 ta bronza medali bilan yakunlandi.

Kecha final jangida ringga ko'tarilgan Shunqor Abdurasulov (-60 kg) rossiyalik raqibi Magomed Shamsaev ustidan 4:1 hisobida g'alaba qozongan bo'lsa, Bahodir Jalolov qozog'istonlik Ayboldi Daurenulini birinchi raundning o'zidayoq nokautga uchratib, ajoyib g'alabaga erishdi.

Grozniy turnirida shohsupaga ko'tarilgan vakillarimiz ro'yxati:

Oltin medal:
-60 kg: Shunqor Abdurasulov
+91 kg: Bahodir Jalolov

Bronza medal:
-52 kg: Foziljon Abdumurodov
-64 kg: Elnur Abduraimov
-75 kg: Bahrom Fozilov
-81 kg: Kozimbek Mardonov
-91 kg: Madiyar Saidrahimov
+91 kg: Obidjon Tohirov