Xitoy terma jamoasida 9 nafar legioner paydo bo'lishi mumkin

Xitoy futbol assoatsiatsiyasi legioner futbolchilarga Xitoy fuqaroligini berish orqali terma jamoani kuchaytirmoqchi.

Xinhuanet tarqatgan xabarga ko'ra, 9 nafar xorijlik futbolchini mahalliylashtirish haqida gap ketmoqda. Birinchi navbatda, bu — braziliyalik futbolchi Elkeson. 30 yoshli yarim himoyachi Xitoy pasportini oldi. Uning yangi ismi - Ai Kesen. Bu futbolchi 2013 yildan beri Xitoy superligasida o'ynab keladi.

Xitoyliklar shunday yo'l orqali Qatarda o'tadigan JCh-2022 yo'llanmasini qo'lga kiritishni maqsad qilishmoqda.