Shota Arveladze: «Juda tez o'ynamadik, ammo g'alabani qo'lga kiritdik»

"Surxon" bilan chorak final uchrashuvidan so'ng "Paxtakor" bosh murabbiyi matbuot anjumanida qatnashdi.

- Kubok bahslari doim qiyinroq kechadi. Chunki u birgina o'yindan iborat. Qolaversa, raqibimiz bejizga chorak finalga chiqmagan. Ular yaxshi jamoaga ega. Ehtimol, bugun juda yuqori sur'atda o'ynamagan bo'lishimiz mumkin. Lekin bir qator vaziyatlarni yaratdik va yarim final yo'llanmasini qo'lga kiritdik. Raqibning darvozamiz tomon zarbalar yo'llashiga deyarli imkon bermadik. "Surxon"ning faolroq o'ynab, bosimga olishga intilishini kutgandim, ammo ular bizga ko'proq hududlar qoldirishdi.

Futbolchilarning o'zi uchun ma'qul pozitsiyada o'ynashini ta'minlash lozim. Oddiy o'ynash eng qiyin ish. Biz ko'proq to'p oshirishlar bilan nazorat qilish va sur'atni belgilashga intilamiz. Kubok sovrin sari qisqa yo'l sanaladi. Shu sababli o'yinda eng tayyor futbolchilarni maydonga tushirdim.