«PSJ» «Barselona»ning yangi taklifini ham rad qildi

«PSJ» klubi «Barselona» tomonidan yuborilgan Neymarning transferi borasidagi yangi taklifga ham rad javobni berdi.

"Ko'k-anorranglilar" braziliyalik hujumchini keyinchalik sotib olish shart bilan 2 yilga ijaraga olishni rejalashtirishgan edi. Ular 2 yillik ijara uchun 20 million evro va majburiy transfer uchun esa 160 million evro taklif qilishdi. Ammo bu taklif parijliklarga yoqmadi.

Shunga qaramay, "PSJ" Neymarni "Barselona"ga ijaraga berishga qarshi emas, faqat keyinchalik amalga oshiriladigan transfer summasi borasida tomonlar kelisha olishmayapti.

Bundan tashqari, «PSJ» Neymarning transferi borasida «Real»dan ham rasmiy taklif kutmoqda. Jamoa futbolchini arzonroqqa bo'lsa-da madridliklarga sotishga rozi. Ammo "Qirollik klubi" yarim himoyachilar Garet Beyl va Xames Rodrigesni sota olmagani uchun parijliklarga Neymar borasida hali taklif yubormadi. Bunday holatda "qaymoqranglilar" transferni amalga oshirishsa, moliyaviy feyr-pley qoidasini buzib qo'yishlari mumkin.