Kim kuchliroq: Messi yoki Ronaldu? Ilmiy tadqiqot natijasi e'lon qilindi

Belgiyaning Leven katolik universiteti olimlari futbolchilarning o'z jamoasi natijasiga ta'sirini aniqlash maqsadida ilmiy tadqiqot o'tkazdi.

Eng qiziqarlisi, kutilganidek, "Barselona" sardori Lionel Messi va "Yuventus" hujumchisi Krishtianu Ronalduni taqqoslash natijasi bo'ldi. Tadqiqot davomida futbolchilarning 2013/14 - 2017/18 yillar oralig'idagi faoliyati inobatga olindi.

Tadqiqot natijalariga ko'ra, argentinalik futbolchi Ronalduga nisbatan ikki karra samaraliroq ekani oydinlashdi.

"Bizning model har bir harakat — zarbalar, uzatmalar, aldab o'tishga urinish, to'pni olib qo'yishni inobatga oladi va ularning individual mahoratini hisoblaydi", — deya izoh berdi professor Jessi Devis.

Tanlab olingan muddatning dastlabki yillarida Messi va Ronalduning natijalari bir-biriga yaqin bo'lgan, ammo 2015/2016 mavsumdan boshlab "Barsa" futbolchisining natijalari keskin oshib borgan.

Ma'lumot o'rnida. Futbolchilarning faqat milliy chempionatlaridagi o'yinlari inobatga olingan.