Manba: Ronaldu Mayorgaga pul to'laganini tan oldi

«Yuventus» hujumchisi Krishtianu Ronaldu AQShlik model Ketrin Mayorgaga pul to'laganini tan oldi. Eslatib o'tamiz, bu ayol futbolchini o'zini zo'rlaganlikda ayblagan edi.

TMZ tarqatgan xabarga ko'ra, Ronaldu Mayorgaga 375 ming dollar miqdorida pul to'lagan, ammo uni zo'rlamagan. Pul Ketringa ular o'rtasidagi munosabatni OAVda muhokama qilmaslik uchun to'langan. Ayolning ta'kidlashicha, Ronaldudan pulni 2010 yilda olgan.

«Ronaldu Mayorgaga 375 ming dollar pul to'lagan va ikkala tomon o'sha oqshomdagi voqealarni oshkor qilmaslikka kelishishgan», – deya yozilgan Ronaldu ishi bo'yicha yozilgan hujjatlarda.

Avvalroq Krishtianudan mazkur ish bo'yicha aylov olib tashlangani haqida ma'lumot tarqatilgan edi.